შპს „ბოქსეტ ჯორჯია“

(როგორც „ექპედიტორი“)

 

და

 

მომხმარებელი ფიზიკური ან იურიდიული პირი

(როგორც „შემკვეთი“)

__________________________________________________________________________

 

ტვირთების საერთაშორისო გადაზიდვისა და ექსპედიციის ხელშეკრულება

(„სტანდარტული პირობები“)

__________________________________________________________________________

 

სტანდარტული პირობების ბოლო განახლება: [ბოლო ვერსიის გამოქვეყნების თარიღი]

 

 

•  

წინამდებარე ტვირთების საერთაშორისო გადაზიდვისა და ექსპედიციის ხელშეკრულება („სტანდარტული პირობები“/„ხელშეკრულება“) დადებულია და მოქმედებს შემდეგ მხარეებს შორის:

1. ერთი მხრივ, შპს „ბოქსეტ ჯორჯია“ (კომერციული დასახელება „Boxette”), საქართველოს კანონმდებლობის შესაბამისად რეგისტრირებული და მოქმედი შეზღუდული პასუხიმგებლობის საზოგადოება, საიდენტიფიკაციო ნომრით: 405374973, იურიდიული მისამართი: საქართველო, თბილისი, საბურთალოს რაიონი, ანა ანტონოვსკაიას ქუჩა N 9ბ, ბინა N63; ვებ-გვერდი: www.boxette.ge („ექსპედიტორი კომპანია“),

და

2. მეორე მხრივ, მომხმარებელი: ფიზიკური ან იურიდიული პირი, რომელიც სარგებლობს ექსპედიტორი კომპანიის გადაზიდვის მომსახურებით და რომელიც დაფიქსირებულია ტვირთის ჩამოსვლისას საბაჟო დოკუმენტაციაში და ექსპედიტორი კომპანიის მონაცემთა ბაზაში („შემკვეთი“),

(ექსპედიტორი კომპანია და შემკვეთი ცალ-ცალკე მოიხსენება როგორც „მხარე“, ხოლო ერთობლივად როგორც „მხარეები“)

მხარეები  ნების თავისუფალი გამოვლენის საფუძველზე, დებენ წინამდებარე ხელშეკრულებას შემდეგზე:

 

1. ტერმინების განმარტება

„აკრძალული ტვირთი“

განიმარტება ხელშეკრულების მე-13 მუხლის შესაბამისად;

„ამანათი“/„საამანათე გზავნილი“

განიმარტება ხელშეკრულების 2.1 პუნქტის შესაბამისად;

„ანგარიშსწორების ვადა“

განიმარტება ხელშეკრულების 3.6 პუნქტის შესაბამისად;

„აშშ“

გულისხმობს ამერიკის შეერთებულ შტატებს;

„ექსპედიტორი კომპანია“

განიმარტება ხელშეკრულების I პუნქტის შესაბამისად;

„ვებ-გვერდი“

გულისხმობს www.boxette.ge;

„მხარე“

ექსპედიტორი კომპანია ან შემკვეთი კონტექსტის შესაბამისად;

„მხარეები“

ექსპედიტორი კომპანია და შემკვეთი ერთობლივად;

„შემკვეთი“

განიმარტება ხელშეკრულების  II პუნქტის;

„ხელშეკრულება“

გულისხმობს წინამდებარე ხელშეკრულებას/სტანდარტულ პირობებს მათში დროდადრო განხორციელებული ცვლილებების მათ შორის, შეზღუდვის გარეშე ექსპედიტორი კომპანიის მიერ ცალმხრივად განხორციელებული ცვლილებების ჩათვლით, ხელშეკრულების დანართებს, წინამდებარე ხელშეკრულებასთან დაკავშირებულ სხვა გარიგებებს, ასევე, ექსპედიტორი კომპანიის ვებ-გვერდზე დროდადრო გამოქვეყნებულ/განახლებულ ინფორმაციას, რაც მათ შორის, მოიცავს, „ხშირად დასმულ კითხვებს“, ინფორმაციას ტარიფების და მომსახურების წესების და პირობების თაობაზე.

 

 

 

 

2. ხელშეკრულების საგანი
   1. ხელშეკრულების საგანს წარმოადგენს ექსპედიტორი კომპანიის საწყობებიდან, რომლებიც მდებარეობს:
      1. აშშ-ში: – 26a Parway Circle, 19720, New Castle, DE.
      2. თურქეთში:  - Laleli Koska Cd. No:6 Prestij Pasajı No:11/12, Fatih/Mesih Paşa Mah, Istanbul;
      3. საქართველოში: - თბილისი, ვაჟა-ფშაველას გამზირი N4.;

შემკვეთის მიერ გაგზავნილი და ექსპედიტორი კომპანიის მიერ მიღებული ტვირთის („ამანათი“/„საამანათე გზავნილი“) საქართველოში/საქართელოდან (კონტექსტის შესაბამისად) საექსპედიციო გადაზიდვის მომსახურების გაწევა, რომელსაც ექსპედიტორი კომპანია უზრუნველყოფს თავისი სახელით და შემკვეთის ხარჯზე.

1. 2. შემკვეთის მიერ მომხმარებლის რეგისტრაცია ექსპედიტორი კომპანიის ვებ-გვერდზე უფასოა და ნებაყოფლობითი. რეგისტრაცია ხორციელდება ვებ-გვერდზე www.boxette.ge. ექსპედიტორი კომპანიის ვებ-გვერდზე რეგისტრაცია და მომსახურებით სარგებლობა ნიშნავს, რომ შემკვეთი სათანადოდ და გულისხმიერად გაეცნო და მხოლოდ აღნიშნულის შემდგომ, განუხრელად დაეთანხმა წინამდებარე ხელშეკრულების პირობებს.

 

 

 

3. ტრანსპორტირების ღირებულება და გადახდა
   1. ტრანსპორტირების ღირებულება საამანათე გზავნილზე შეადგენს 8.95 (რვა აშშ დოლარი და ოთხმოცდათხუთმეტი ცენტი) აშშ დოლარს ყოველ 1 კილოგრამზე. ექსპედიტორი კომპანია უფლებამოსილია ცალმხრივად შეცვალოს ტრანსპორტირების ღირებულება, რის თაობაზეც ინფორმაცია გამოქვეყნდება ვებ-გვერდზე სახელმწიფო ენაზე. ვებ-გვერდზე ინფორმაციის განახლება ავტომატურად წარმოადგენს წინამდებარე ხელშეკრულების შესაბამისი პირობის განახლებას.
   2. ტრანსპორტირების ჯამური ღირებულების მიახლოებითი ოდენობა შესაძლებელია დაანგარიშდეს ვებ-გვერდზე განთავსებული კალკულატორის მეშვეობით.
   3. აშშ დოლარის (ისევე, როგორც სხვა უცხოური ვალუტის) გაცვლითი კურსი ლართან მიმართებით იანგარიშება გადახდის თარიღისთვის სს „საქართველოს ბანკის“ მიერ დადგენილი უცხოური ვალუტის გაყიდვის კურსით.
   4. შემკვეთი ვალდებულია ექსპედიტორი კომპანიის მიერ გამოწერილი ინვოისის საფუძველზე, წინამდებარე ხელშეკრულებით დადგენილი წესით და ვადაში გადაიხადოს თანხა რომელიც გამოიანგარიშება ყოველი კონკრეტული საამანათე გზავნილის (ტვირთის) გადაზიდვის შემთხვევაში.
   5. საამანათე გზავნილის ტრანსპორტირების ღირებულების გადახდა ყველა შემთხვევაში უნდა განხორციელდეს მხოლოდ ვებ–გვერდზე მითითებული გადახდის მეთოდებით. სხვა შემთხვევაში თანხის მიღების დადასტურება დროულად არ მოხდება, რაც გამოიწვევს საამანათე გზავნილის მიღების შეფერხებებს.
   6. მხარეთა შორის ანგარიშსწორება ხორციელდება საამანათე გზავნილის გამოგზავნის მომენტიდან და ნებისმიერ შემთხვევაში, შემკვეთი ვალდებულია სრულად დაფაროს საამანათე გზავნილის ღირებულება მისი საქართველოს საბაჟო პუნქტში შემოტანის თარიღიდან არაუგვიანეს 14 (თოთხმეტი) დღის ვადაში („ანგარიშსწორების ვადა“).
   7. შემკვეთის მიერ ანგარიშსწორების ვადის გადაცილების შემთხვევაში, საამანათე გზავნილს/ტვირთს ყოველდღიურად დაერიცხება შენახვის საკომისიო, რომელიც განისაზღვრება ყოველ ვადაგადაცილებულ დღეზე საამანათე გზავნილის ღირებულების (როგორც ეს მითითებულია შესაბამის ინვოისში) ერთ პროცენტს (1%) ან ყოველ კილოგრამზე 1 (ერთი) აშშ დოლარის ოდენობებს შორის უდიდესით.
   8. შემკვეთის ანგარიშზე რაიმე სახის დავალიანების არსებობის შემთხვევაში, ცალკეული საამანათე გზავნილის მიღება არ ხდება დავალიანების სრულად დაფარვამდე. ექსპედიტორი კომპანია არ აგებს პასუხს ასეთ საამანათე გზავნილებზე.

 

4. ამანათის ზომა-წონის დაანგარიშება და დამრგვალება
   1. აშშ-დან ტრანსპორტირების ღირებულება გამოითვლება საამანათე გზავნილის მოცულობითი და რეალური (სასწორის) წონის მიხედვით. იმ შემთხვევაში, თუ შემკვეთს მოთხოვნილი აქვს „დამატებითი შეფუთვის“ ან „არ გადაფუთვის“ სერვისები, ან/და ამანათის რომელიმე მხარე/ყუთის შესაბამისი გვერდის სიგრძე აღემატება 50 (ორმოცდაათი) სანტიმეტრს, ტრანსპორტირების ღირებულება ავტომატურად დაანგარიშდება მოცულობით და რეალურ (სასწორის)  წონებს შორის მაქსიმალურით.
   2. საამანათე გზავნილის მოცულობითი წონა გამოითვლება შემდეგი ფორმულით:
      1. სანტიმეტრებში გამოთვლის შემთხვევაში: სიგრძე x სიგანე x სიმაღლე / 6000;
      2. ინჩებში გამოთვლის შემთხვევაში: სიგრძე x სიგანე x სიმაღლე / 366.
   3. საამანათე გზავნილის მინიმალური დაანგარიშებადი წონა არის 100 (ასი) გრამი. წონის დამრგვალება ხდება 10 (ათი) გრამის სიზუსტით. ყუთის შემთხვევაში, ზომის პარამეტრების დაანგარიშებისას, დასაშვებია 5 (ხუთი) მილიმეტრიანი ცდომილება თითოეულ გვერდზე.
   4. საქართველოდან საზღვარგარეთ  ამანათების/ტვირთის გაგზავნის შემთხვევაში, ტრანსპორტირების თანხა გამოითვლება ფიზიკურ დ მოცულობით წონას შორის უდიდესით. აღნიშნულ შემთხვევაში, მოცულობითი წონის გამოთვლა ხდება შემდეგი ფორმულით:
      1. სანტიმეტრებში გამოთვლის შემთხვევაში: სიგრძე x სიგანე x სიმაღლე / 6000;
      2. ინჩებში გამოთვლის შემთხვევაში: სიგრძე x სიგანე x სიმაღლე / 366.
   5. საქართველოდან აშშ-ში გასაგზავნი საამანათე გზავნილის მინიმალური დაანგარიშებადი წონა არის არის 250 გრამი. ევროკავშირსა და მსოფლიოს დანარჩენ ქვეყნებში, მინიმალური წონა არ არის განსაზღვრული. წონის დამრგვალება ხდება 10 (ათი) გრამის სიზუსტით. ყუთის შემთხვევაში, ზომის პარამეტრების დაანგარიშებისას, დასაშვებია 5 (ხუთი) მილიმეტრიანი ცდომილება თითოეულ გვერდზე.

 

5. ამანათების ზომაში შემცირების სერვისი (გადაფუთვა)
   1. შემკვეთი უფლებამოსილია ისარგებლოს პირადი გვერდის მეშვეობით საამანათე გზავნილის გადაფუთვის სერვისით შესაბამისი მომსახურების გააქტიურების გზით.
   2. ექსპედიტორი კომპანია უფლებამოსილია, იმ შემთხვევაში თუ შემკვეთს არ აქვს 5.1 პუნქტით გათვალისწინებული მომსახურება გააქტიურებული, თავად მიიღოს გადაწყვეტილება საამანათე გზავნილის გადაფუთვის თაობაზე.
   3. შემკვეთი უფლებამოსილია 5.1 პუნქტით გათვალისწინებული მომსახურებით ისარგებლოს მხოლოდ იმ შემთხვევაში, თუ საამანათე გზავნილი არ არის მტვრევადი და არ დგება მისი დაზიანების რისკი ტრანსპორტირებისას. ნებისმიერ შემთხვევაში, საბოლოო გადაწყვეტილებას გადაფუთვის თაობაზე იღებს ექსპედიტორი კომპანია საკუთარი შეხედულებისამებრ.
   4.  საამანათე გზავნილის  გადაფუთვის მომსახურება არის უფასო.

 

6. შემკვეთის მიერ საამანათე ტვირთვის დეკლარირების ვალდებულება და განბაჟება
   1. შემკვეთი ვალდებულია ვებ–გვერდზე განახორციელოს ნებისმიერი საამანათე გზავნილის დეკლარირება (ნივთის გამომგზავნის, ნივთის დასახელების და ფასის მითითება). საამანათე გზავნილის დეკლარირებისას, შემკვეთმა ვებ-გვერდზე უნდა ატვირთოს გამყიდველი ორგანიზაციისგან მიღებული შესყიდვის საბუთი (ინვოისი).
   2. დეკლარირებისას მითითებული ინფორმაციის სისწორეზე პასუხისმგებლობა მთლიანად ეკისრება შემკვეთს.
   3. შემკვეთი ვალდებულია საამანათე გზავნილი დაადეკლარიროს საამანათე გზავნილის საქართველოს საბაჟო საზღვარზე შემოსვლიდან არაუგვიანეს 3 (სამი) კალენდარულ დღეში.
   4. საამანათე გზავნილის დეკლარირების ვადაგადაცილების შემთხვევაში, შემკვეთი ვალდებულია გადაიხადოს დამატებითი გადასახადი, თითოეულ საამანათე გზავნილთან მიმართებით  ყოველ დაგვიანებულ სრულ/არასრულ დღეზე 50 (ორმოცდაათი) ლარის ოდენობით. აღნიშნული თანხის გადახდა, არ ათავისუფლებს შემკვეთს ტრანსპორტირების ღირებულებისა და ექსპედიტორი კომპანიის მიმართ არსებული სხვა ფინანსური ვალდებულებების შესრულებისაგან.
   5. თუ შემკვეთი საამანათე გზავნილის საქართველოს საბაჟო საზღვარზე შემოსვლიდან 30 (ოცდაათი) კალენდარული დღის განმავლობაში არ მოახდენს მის დეკლარირებას, საამანათე გზავნილი გადაეცემა სახელმწიფოს მოქმედი კანონმდებლობის შესაბამისად ან მოხდება საამანათე გზავნილის განკარგვა საქართველოს მოქმედი კანონმდებლობის შესაბამისად და შემკვეთს არ აქვს არავითარი უფლება ექსპედიტორ კომპანიას წაუყენოს რაიმე მოთხოვნა/პრეტენზია და/ან ექსპედიტორი კომპანიისაგან მოითხოვოს საამანათე გზავნილის მისთვის გადაცემა. ნებისმიერ შემთხვევაში, შემკვეთი ვალდებულია სრულად გადაიხადოს საამანათე გზავნილის ტრანსპორტირების ღირებულება. 
   6. არასწორად დეკლარირებისას, სახელმწიფოს მიერ მომხმარებლისთვის/შემკვეთისთვის საჯარიმო სანქციის დაკისრების შემთხვევაში, მომხმარებელს/შემკვეთს დაეკისრება დამატებით საბაჟო მომსახურების ღირებულება, რომელიც განისაზღვრება ყოველ ამანათზე 50 (ორმოცდაათი) ლარით.
   7. დამატებითი გადასახდელები დაანგარიშდება და გადაიხდება სატრანსპორტო ღირებულებასთან ერთად. ხოლო გადაუხდელობის შემთხვევაში საამანათე გზავნილი შემკვეთზე არ გაიცემა.
   8. ტვირთის განბაჟების პროცედურებზე პასუხისმგებელია შემკვეთი. შემკვეთი უფლებამოსილია ვებ-გვერდის მეშვეობით მოითხოვოს დეკლარირების დისტანციურად განხორციელება, სავალდებულო საბაჟო დეკლარირებას დაქვემდებარებულ საამანათე გზავნილ(ებ)ზე. ამ შემთხვევაში, საქართველოში ჩამოსულ საამანათე გზავნილებზე ექსპედიტორი კომპანია შემკვეთის დეკლარაციის მიხედვით ადგენს საქართველოს კანონმდებლობით გათვალისწინებულ საბაჟო დეკლარაციას. დისტანციური დეკლარირების მომსახურების საფასური თითო დეკლარაციაზე განისაზღვრება 4.5 (ოთხი დოლარი და ორმოცდა ათი ცენტი) აშშ დოლარის ექვივალენტით ლარში (დაანგარიშება ხდება ხელშეკრულების 3.3 პუნქტის შესაბამისად) და მისი გადახდა ხდება შემკვეთის მიერ წინასწარ, განბაჟების პროცედურების დაწყებამდე.
   9. ერთი რეისისა და ინტერნეტმაღაზიის ქვეშ გაერთიანებული გზავნილების დეკლარირება ხდება ერთიანად და შემკვეთი იხდის ერთ ტარიფს.
   10. მზა საბაჟო დეკლარაცია შემკვეთს გადაეცემა კუთვნილ საამანათე გზავნილთან ერთად. ბაჟის გადახდა ხორციელდება დეკლარაციის დაბეჭდვიდან 30 (ოცდაათი) კალენდარული დღის განმავლობაში საქართველოში ლიცენზირებულ ნებისმიერ კომერციულ ბანკში. აღნიშნული წესი არ მოქმედებს გამონაკლის შემთხვევებში, რაც გათვალისწინებულია საქართველოს კანონმდებლობით.
   11. საამანათე გზავნილის განბაჟება და სხვა საბაჟო პროცედურები რეგულირდება საქართველოს კანონმდებლობის შესაბამისად, საბაჟო სამსახურების მიერ ამანათის გაჩერების ან/და შემკვეთის მიერ ინფორმაციის წარუდგენლობის ან სხვა ვალდებულების შეუსრულებლობის გამო, ამანათის სახელმწიფო საკუთრებაში გადასვლის, შემკვეთისთვის სანქციების დაკისრების შემთხვევაში შემკვეთი ვერ წარუდგენს პრეტენზიას ექსპედიტორ კომპანიას, რომ მას არ ქონდა შესაბამისი ინფორმაცია ექსპედიტორი კომპანიისაგან კანონმდებლობით დადგენილი რეგულაციების და დაწესებული სანქცების შესახებ. შემკვეთი ვალდებულია განუხრელად დაიცვას საქართველოს კანონმდებობით დადგენილი რეგულაციები და მოთხოვნები. ექსპედიტორ კომპანიას უფლება აქვს მიაწოდოს შემკვეთს სათანადო ინფორმაცია საბაჟო პროცედურებთან დაკავშირებით, თუმცა აღნიშნული არ წარმოადგენს ექსპედიტორი კომპანიის ვალდებულებას. ყოველგვარი ორაზროვანი განმარტების გამორიცხვის მიზნით, მხარეები ადგენენ, რომ იმ შემთხვევაში, თუ კომპეტენტური სახელმწიგო ორგანო დააკისრებს საჯარიმო სანქციას ექსპედიტორ კომპანიას, შემკვეთის მიერ მომსახურების პირობების მთლიანად ან ნაწილობრივ შეუსრულებლობის გამო (მაგ: პროდუქციის არასრული ან არაზუსტი დეკლარირება), ექსპედიტორი კომპანია უფლებამოსილია, ხოლო შემკვეთი აცხადებს თანხმობას, რომ აღნიშნული ჯარიმის გადახდა სრულად დაეკისროს შემკვეთს.
   12. ამანათები, რომელთა იდენტიფიცირებას (მომხმარებლის პირადი გვერდის ნომრის ან თრექინგ ნომრის ან სახელის ან გვარის გარეშე) საქართველოს საბაჟო საზღვარზე შემოსვლისას ვერ მოახდენს ექსპედიტორი კომპანია, დაექვემდებარება სახელმწიფოსათვის გადაცემას, თანახმად საბაჟო კანონმდებლობისა. არაიდენტიფიცირებად ამანათებზე პრეტენზიები არ მიიღება და პასუხისმგებლობა არ დაეკისრება ექსპედიტორ კომპანიას. ამასთანავე, ტრანსპორტირების თანხის გადახდაზე ექსპედიტორი კომპანიის მოთხოვნის უფლება ანულირებულად ჩაითვლება. მაგალითისათვის: თუკი საქართველოს საბაჟო საზღვარზე შემოვიდა ამანათი, რომელსაც არ გააჩნია ექაუნთის ან თრექინგ ნომერი (თუნდაც იკითხებოდეს შემკვეთის სხვა მონაცემები) ამანათი ჩაითვლება არაიდენტიფიცირებულად და გადაეცემა სახელმწიფოს 3 (სამი) დღის ვადის გასვლის შემდეგ. ხოლო თუკი საბაჟო საზღვარზე შემოსვლიდან მომხმარებელი 3 კალენდარული დღის განმავლობაში დააზუსტებს თრექინგ კოდს და ექაუნთის ნომერს პირად გვერდზე ამანათს მიენიჭება იდენტიფიცირებულის სტატუსი.
   13. საქართველოდან უცხოეთში გაგზავნილი ნივთის განბაჟებაზე პასუხისმგებლობას იღებს ექსპედიტორი კომპანია, მხოლოდ იმ შემთხვევაში, თუკი შემკვეთის მიერ დეკლარირებული მონაცემები სწორია და არჩეულია გზავნილის ფორმა, რომელიც ითვალისწინებს წინასწარ განბაჟებას.

 

7. შემკვეთის (მომხმარებელი) ვალდებულები
   1. ხელშეკრულების სხვა მუხლებით გათვალისწინებული ვალდებულების და პასუხისმგებლობის გარდა, შემკვეთის დამატებითი ვალდებულებები და პასუხისმგებლობა განისაზღვრება მოქმედი კანონმდებლობით და წინამდებარე მუხლით.
   2. შემკვეთი ვალდებულია რეგისტრაციისას შეავსოს ექსპედიტორი კომპანიის მიერ რეგისტრაციისთვის დადგენილი ფორმა. რეგისტრაციის შემდგომ, ვებ–გვერდზე გაიხსნება საკუთარი პირადი გვერდი საიდენტიფიკაციო ნომრით.
   3. შემკვეთი პასუხისმგებელია მის მიერ მოწოდებული, ნებისმიერი, მათ შორის, პირადი და საკონტაქტო მონაცემების, ტვირთის შესახებ ინფორმაციის სიზუსტეზე. ექსპედიტორი კომპანია არ აგებს პასუხს შემკვეთის მიერ არასწორად მოწოდებული ინფორმაციის გამო ზიანის წარმოქმნის შემთხვევაში.
   4. შემკვეთი  ვალდებულია საამანათე გზავნილის შესახებ ინფორმაცია შეავსოს (მოახდინოს ამანათის დეკლარირება) მომხმარებლის პირად გვერდზე მითითებული მონაცემების მიხედვით. რეკომენდირებულია, მომხმარებელმა განახორციელოს ნივთის წინასწარი დეკლარირება გამომგზავნის მიერ თრექინგ კოდის მინიჭებისთანავე, რათა მის პირად გვერდზე წინასწარ აისახოს ამანათის საწყობში შესვლის შესახებ ინფორმაცია, რაც ხელს შეუწყობს ამანათის იდენტიფიცირებას საწყობში შესვლისთანავე.
   5. შემკვეთს არ აქვს უფლება ექსპედიტორ კომპანიას შეუკვეთოს აკრძალული ტვირთის ჩამოტანა ან გაგზავნა, როგორც საქართველოს, ასევე, იმ ქვეყნების კანონმდებლობით, საიდანაც/სადაც ხორციელდება ტვირთის ტრანსპორტირება. აკრძალული ტვირთის შესახებ დამატებითი ინფორმაცია განთავსებულია ვებ–გვერდზე. კონკრეტული ქვეყნების კანონმდებლობით აკრძალული დამატებითი კატეგორიების შესახებ ინფორმაციის გადამოწმება ევალება შემკვეთს.
   6. თუ შემკვეთი, მიუხედავად დაწესებული აკრძალვისა ექსპედიტორი კომპანიის საწყობში მაინც გაგზავნის აკრძალულ ტვირთს, ექსპედიტორ კომპანიას  უფლება აქვს არ მიიღოს საწყობში აღნიშნული ტვირთი, ან მიღების შემთხვევაში, უარი უთხრას შემკვეთს გაგზავნაზე. ექსპედიტორი კომპანიის მიერ აკრძალული ტვირთის მიღების ან ტვირთის იდენტიფიცირების შეუძლებლობის შემთხვევაში, საფუძვლიანი ეჭვის არსებობისას, რომ ტვირთის ექსპორტი ან დანიშნულების ქვეყანაში იმპორტი შეიძლება დაკავშირებული იყოს კანონმდებლობის დარღვევასთან, ექსპედიტორ კომპანიას აქვს უფლება, შეუწყვიტოს მომსახურება შემკვეთს. ამავე დროს, ექსპედიტორი კომპანია იხსნის პასუხისმგებლობას, უკან გადაუგზავნოს აღნიშნული ტვირთი გამომგზავნ კომპანიას ან/და ფიზიკურ პირს. წინამდებარე პუნქტით გათვალისწინებულ შემთხვევებში, ექსპედიტორ კომპანიას არ ეკისრება პასუხისმგებლობა შემკვეთის მიერ გაწეული ხარჯებისათვის. ასევე, ექსპედიტორ კომპანიას უფლება აქვს დააკისროს შემკვეთს წარმოშობილი ზიანის ანაზღაურება.
   7. ექსპედიტორი კომპანიის მოთხოვნით დროულად მიაწოდოს მას შესაბამისი ცნობები ტვირთის/საამანათე გზავნილის შესახებ, აგრეთვე მისცეს მითითებები, რომლებიც აუცილებელია გადაზიდვის დოკუმენტების გასაფორმებლად, მიაწოდოს აუცილებელი ცნობები საბაჟო და სხვა მოქმედებათა შესასრულებლად. გარდა ამისა, შემკვეთმა ექსპედიტორ კომპანიას უნდა გადასცეს აუცილებელი დოკუმენტები აღნიშნული ცნობების უტყუარობის დასადასტურებლად.
   8. საფრთხეშემცველი ან მსხვრევადი ტვირთის არსებობისას, შემკვეთმა წინასწარ უნდა გააფრთხილოს ექსპედიტორი კომპანია ტვირთის ზუსტი სახეობის შესახებ ელ-ფოსტით და აუცილებლობის შემთხვევაში, მიუთითოს მას უსაფრთხოების ზომებზე წინასწარ, ამანათის გამოწერამდე.
   9. ტვირთი, რომლის საფრთხის შემცველობის შესახებ არ იცოდა ექსპედიტორმა კომპანიამ, შეიძლება ნებისმიერ დროს და ნებისმიერ ადგილას გადმოიტვირთოს, განადგურდეს ან გაუვნებელდეს ზიანის ანაზღაურების მოვალეობის დაუკისრებლად.
   10. შემკვეთი ვალდებულია, თუ ამას მოითხოვს ტვირთის სახეობა, შეაფუთვინოს იგი გადაზიდვის მოთხოვნების შესაბამისად.
   11. შემკვეთი ვალდებულია საამანათე გზავნილის მიღებამდე გადაამოწმოს საამანათე გზავნილის შიგთავსი. ოფისიდან გასვლის შემდეგ პროდუქციის დაზიანების შესახებ პრეტენზიები აღარ განიხილება და ექსპედიტორი კომპანია არ აიღებს პასუხისმგებლობას საამანათე გზავნილში არსებული პროდუქციის შესაძლო დაზიანებაზე ან დანაკლისზე.
   12. შემკვეთი ვალდებულია, დაზიანებული ან უკვე გახსნილი საამანათე გზავნილის  მიღების შემთხვევაში, არ ჩაიბაროს საამანათე გზავნილი და საკითხის გარკვევამდე საამანათე გზავნილი ფილიალიდან არ გაიტანოს. ასეთი საამანათე გზავნილის  გახსნის ან ფილიალიდან გატანის შემდეგ, ექსპედიტორი კომპანია მოიხსნის პასუხისმგებლობას საამანათე გზავნილის შიგთავსის, ანუ პროდუქციის ხარისხზე, ნაკლზე ან დანაკლისზე, ხოლო შემკვეთი კარგავს უფლებას ექსპედიტორ კომპანიას წაუყენოს რაიმე სახის მოთხოვნდა, პრეტენზია და/ან სარჩელი ან საჩივარი.

 

8. ექსპედიტორი კომპანიის პასუხისმგებლობის გამორიცხვა
   1. ექსპედიტორ კომპანიას უფლება აქვს უარი თქვას მომსახურების გაწევაზე, თუ ტვირთის მახასიათებლები ან შემკვეთის მიერ მიწოდებული სხვა ინფორმაცია არ არის სრული.
   2. ექსპედიტორი კომპანია არ არის პასუხისმგებელი საამანათე გზავნილის ჩამოსვლის დაგვიანებაზე თუ ეს გამოწვეულია ავიაკომპანიის ფრენის რეისის განრიგის შეცვლის ან/და სხვა მიზეზით გადადების გამო.
   3. ექსპედიტორი კომპანია პასუხს არ აგებს თუ საამანათე გზავნილის დაკავება, კონფისკაცია, დაყადაღება, მოხდება კომპეტენტური ორგანოების ან/და ნებისმიერი სახელმწიფო სამსახურების მიერ საამანათე გზავნილის შემცველობის ან/და შემკვეთის მიერ არასწორად დეკლარირებული დოკუმენტების, განბაჟების საფასურის გადაუხდელობის გამო.
   4. ექსპედიტორი კომპანია არ არის პასუხისმგებელი შემკვეთისთვის მიყენებული ზიანისათვის, თუ აღნიშნული გამოწვეულია შემკვეთის მხრიდან არასწორი, არასრული, ან სხვა არასარწმუნო ინფორმაციის მიწოდების შედეგად ან ნებისმიერი ისეთი მოვლენისაგან, რომელიც სცდება ექსპედიტორი კომპანიის უშუალო და პირდაპირი კონტროლის ფარგლებს.
   5. ექსპედიტორი კომპანია არ იღებს პასუხისმგებლობას საამანათე გზავნილის დაზიანებაზე შემდეგი სახის ამანათების შემთხვევაში: კერძო პირის მიერ გამოგზავნილი, Ebay ან სხვა აუქციონში ნაყიდი პროდუქციის, ჩამოწერილი, შეკეთებული ან ნახმარი/მეორადი პროდუქციის, ამანათები, რომლებიც ექსპედიტორი კომპანიის საწყობში შემოვიდა თრექინგ კოდების გარეშე.
   6. შემკვეთისთვის ზარალის ანაზღაურება არ მოხდება შემდეგი სახის პროდუქციაზე: (მაგ. შუშა, ეკრანი, ჭურჭელი, ფაიფური, ჭაღი, ბრა და ა.შ.), თუ ვიზუალურად საამანთე გზავნილის ყუთი დაზიანებული არ არის. იმ შემთხვევაში, თუ მოხდა ამანათის შიგთავსის ან მისი ნაწილობრივი დაზიანება (შუშის, ეკრანის და ა.შ. გატეხვა, გაბზარვა და სხვა) და ამავე დროს გარეგნულად საამანათე გზავნილი დაზიანებული არ არის, შემკვეთი ვალდებულია მაინც გადაიხადოს ტრანსპორტირების ღირებულება და გაიტანოს აღნიშნული ამანათი, წინააღმდეგ შემთხვევაში ექსპედიტორი კომპანია იტოვებს უფლებას დაუყოვნებლივ შეუწყვიტოს აღნიშნულ შემკვეთის საექსპედიტორო მომსახურება, მისი შემდგომი განუახლებლობის პირობით და მიმართოს კანონმდებლობით დადგენილ ყველა ზომას საკუთარი ინტერესების დასაცავად.
   7. ნებისმიერი ზარალის (იქნება ეს ხელშეკრულებიდან, მარეგულირებელი კანონმდებლობიდან,  დავის განმხილველი კომპეტენტური ორგანოს გადაწყვეტილებიდან თუ ნებისმიერი სხვა გარემოებებიდან გამომდინარე), დადასტურების შემთხვევაში, ასანაზღაურებელი თანხა ლიმიტირებულია საამანათე გზავნილის ღირებულებით, როგორც ეს პროდუქციის შესყიდვის დამადასტურებელ დოკუმენტშია აღნიშნული და არცერთ შემთხვევაში არ უნდა აღემატებოდეს მომხმარებლის მიერ დეკლარირებისას მითითებულ თანხას.
   8. ზარალის ანაზღაურებისას აუცილებელია შემკვეთმა წარმოადგინოს პროდუქციის შესყიდვის დამადასტურებელი დოკუმენტი, საფოსტო კომპანიის მიერ მინიჭებულ თრექინგ კოდთან ერთად, ხოლო მაღაზიაში შეძენილი პროდუქციის შემთხვევაში, შესყიდვის დამადასტურებელი დოკუმენტი, ამონაწერი ან მასთან გათანაბრებული დოკუმენტი.
   9. საამანათე გზავნილის მიღებისას ექსპედიტორი კომპანიის საწყობებში, არ ხდება ადგილობრივი საფოსტო კომპანიების ან ექსპედიტორი კომპანიის მიერ საამანათე გზავნილების ცალობრივი შემოწმება საამანათე გზავნილის მაიდენტიფიცირებელ ლეიბლზე დატანილი წონის შესაბამისობაზე.
   10. შემკვეთის მიერ ამანათის წონის შესახებ წარმოდგენილი ნებისმიერი საბუთი, რომელიც მომწოდებლის ან საფოსტო კომპანიის მიერ იქნება გამოგზავნილი, არ ჩაითვლება საამანათე გზავნილის ფაქტობრივი წონის დამადასტურებელ დოკუმენტად, რადგან ექსპედიტორის საწყობში საამანათე გზავნილის მიღებამდე, საამანათე გზავნილი გაივლის რამდენიმე განამაწილებელ პუნქტს ხოლო მის მიღებამდე საამანათე გზავნილი არ არის ექსპედიტორი კომპანიის განკარგვის, კონტროლის ან მონიტორინგის ქვეშ.
   11. ექსპედიტორი კომპანია არ არის პასუხისმგებელი ამანათის ექსპედიტორი კომპანიის საწყობში მიღებამდე.
   12. ექსპედიტორი კომპანია არ იღებს პასუხისმგებლობას საქართველოში ამანათის ტრანსპორტირებაზე თუ პროდუქციის გამოწერისას შემკვეთი დაუშვებს შეცდომას და მისამართს მიუთითებს არასრულად ან არასწორად.

 

9. ამანათის გადაცემა მესამე პირისათვის
   1. საამანათე გზავნილის გაცემა მესამე პირზე შესაძლებელია იმ შემთხვევაში, თუ შემკვეთი ექსპედიტორ კომპანიას წინასწარ მიაწვდის ინფორმაციას საამანათე გზავნილის მესამე პირის მიერ გატანის თაობაზე ან პირადი გვერდის საშუალების დაუგენერირებს მას QR კოდს.
   2. ექსპედიტორი კომპანია უფლებამოსილია მიიჩნიოს, რომ ნებისმიერი პირი, რომელსაც აქვს შემკვეთის შესაბამისი QR კოდი, ასეთ კოდს ფლობს მართლზომიერად, შემკვეთის ნების საფუძველზე. შესაბამისად, QR კოდის მეშვეობით გატანილ ამანათებთან დაკავშირებით, შემკვეთს არ აქვს უფლება რაიმე სახის პრეტენზია და/ან მოთხოვნა წაუყენოს ექსპედიტორ კომპანიას. თავის მხრივ, ექსპედიტორი კომპანია იხსნის ყოველგვარ ვალდებულებას გადაამოწმოს და/ან დაადასტუროს QR კოდის ნებისმიერი მესამე პირის მიერ ფლობის მართლზომიერება.

 

10. რეისების განრიგი, გადახდის და ამანათის მიღების პერიოდი
    1. აშშ-ს საწყობი მუშაობს 09:00-18:00 საათებში, ორშაბათიდან პარასკევის ჩათვლით.
    2. ექსპედიტორ კომპანიას აქვს არანაკლებ 24 საათისა აშშ-ის საწყობში მიღებული საამანათე გზავნილების დამუშავებისთვის.
    3. საამანათე გზავნილების ტრანსპორტირების საშუალო ხანგრძლივობა შეადგენს 4-დან (ოთხი) 9 (ცხრა) სამუშაო დღემდე. ექსპედიტორი კომპანია პასუხს არ აგებს მითითებული ვადების დარღვევაზე, რადგან აღნიშნულს აქვს საინფორმაციო ხასიათი.
    4. ტრანსპორტირების ღირებულების ინვოისი გამოიგზავნება თბილისში ტვირთის გამოგზავნისას.
    5. აღნიშნული განრიგი არ არის ფიქსირებული და ექსპედიტორი კომპანია პასუხისმგებლობას არ იღებს ფორსმაჟორული/გართულებული სიტუაციების შემთხვევაში რეისების დაგვიანებაზე (მაგ.: რთული მეტეოროლოგიური პირობები, ავია კომპანიის მიერ გაუქმებული ან შეცვლილი განრიგი და ა.შ.), ასევე დღესასწაულებთან დაკავშირებულ გადატვირთვებზე ავია კომპანიებსა და სახმელეთო გადაზიდვებისას.

 

11. უკუგზავნილი
    1. ექსპედიტორი კომპანიის ვებ-გვერდზე შესაბამისი მომსახურების გააქტიურების გზით შემკვეთი უფლებამოსილია ისარგებლოს აშშ-ს საწყობიდან აშშ-ს ტერიტორიაზე საამანათე გზავნილის  უკუგზავნილის (გამომგზავნის მისამართზე უკან დაბრუნება) მომსახურებით. მიუხედავად აღნიშნულისა, აღნიშნული მომსახურებით სარგებლობა შესაძლებელია მხოლოდ იმ შემთხვევაში, თუ შემკვეთი აღნიშნულ მომსახურებას გააქტიურებს საამანათე გზავნილის ექსპედიტორი კომპანიის საწყობში მისვლამდე. საამანათე გზავნილის ექსპედიტორი კომპანიის საწყობში ფაქტობრივად მისვლის თარიღიდან, უკუგზავნილის განხორციელება არ ხდება.
    2. საამანათე გზავნილის უკან გაგზავნის მომსახურების ღირებულება შეადგენს 7 (შვიდი) აშშ დოლარს და მოქმედებს მხოლოდ იმ შემთხვევაში თუ შემკვეთი ექსპედიტორ კომპანიას გადასცემს დაბრუნების საბუთს ("Shipping Label"). ასეთი საბუთის არ ქონის შემთხვევაში ექსპედიტორი კოპანია თავად შეიძენს დაბრუნების საბუთს ("Shipping Label"), რომლის ღირებულება დაემატება მომსახურების საფასურს  და დაანგარიშდება 3.3 პუნქტით გათვალისწინებული პრინციპით და  გადაიხდება ხელშეკრულების 3.5 პუნქტის შესაბამისად.

 

12. ექსპედიტორი კომპანიის საწყობებში საამანათე გზავნილის მიღების პირობები
    1. შემკვეთის საამანათე გზავნილების ტრანსპორტირებაზე ექსპედიტორი კომპანია პასუხისმგებელი ხდება ექსპედიტორი კომპანიის მიერ საამანათე გზავნილის საკუთარ სისტემაში დასკანერების მომენტიდან შემკვეთისთვის გადაცემამდე (ან, საამანათე გზავნილის კანონმდებლობით დადგენილი შემთხვევების დადგომამდე). საამანათე გზავნილი საწყობში ჩაბარებულად ითვლება, თუ მისი ტრეკ კოდი დასკანერდა ექსპედიტორი კომპანიის სისტემაში.
    2. თუ, საამანათე გზავნილს არ აქვს დართული სწორი პარამეტრები შემკვეთის/მაღაზიის მიერ, არ ემთხვევა ან აკლია პირადი გვერდის ნომერი, სახელი და გვარი, შეცდომით არის მოწოდებული თრექინგი (ტრეკ კოდი) - ექსპედიტორი კომპანია პასუხს არ აგებს ასეთი საამანათე გზავნილის დროულად მიწოდებასა და შემკვეთისათვის გადაცემაზე. პროცედურა გახანგრძლივდება გაურკვეველი ვადით პროდუქციის სრულ იდენტიფიკაციამდე ინვოისისა და საამანათე გზავნილის შემადგენლობის საფუძველზე.
    3. ექსპედიტორი კომპანია არ არის პასუხისმგებელი იმ ტვირთზე, რომელიც მიტანილია ექსპედიტორი კომპანიის საწყობში დაზიანებული ან არ შეესაბამება ინვოისს. ასეთ შემთხვევაში, ექსპედიტორ კომპანიას  უფლება აქვს არ ჩაიბაროს აღნიშნული ნივთი.
    4. ექსპედიტორი კომპანიის პასუხისმგებლობა არ დგება თუ, ამანათის ტრეკ კოდი არ დასკანერდა ექსპედიტორი კომპანიის სისტემაში.

 

13. აკრძალული ტვირთი
    1. აკრძალული ტვირთის ჩამონათვალი განთავსებულია ვებ-გვერდზე. ნებისმიერ შემთხვევაში, შემკვეთი ვალდებულია გაეცნოს აკრძალული ნივთების ნუსხას.
    2. შემკვეთის მხრიდან აკრძალული პროდუქციის გამოგზავნის შემთხვევაში ექსპედიტორი კომპანია არ იღებს პასუხისმგებლობას პროდუქციის საქართველოში გამოგზავნაზე ან უცხოეთში საბაჟოს მხრიდან პროდუქციის კონფისკაციაზე.
    3. იმ შემთვევაში თუ შემკვეთი მაინც გაგზავნის აკრძალულ პროდუქციას ექსპედიტორი კომპანიის მიერ შემკვეთისთვის გადაცემულ მისამართებზე, ექსპედიტორი კომპანია არ იღებს პასუხისმგებლობას საამანათე გზავილის გამომგზავნ მაღაზიასთან ან კერძო პირთან ამანათის დაბრუნებაზე. აღნიშნული დარღვევა ჩაითვლება მომსახურების პირობების დარღვევად, რაც გამოიწვევს მომსახურების უპირობო შეწყვეტას და შეკვეთის საჯარიმო სანქციების დაკისრებას, რაც განისაზღვრება ექსპედიტრორი კომპანიისთვის მიყენებული მატერიალური ზარალის ოდენობით.

 

14. პერსონალური მონაცემების დაცვა
    1. შემკვეთი აცხადებს თანხმობას ექსპედიტორი კომპანიის ხელშეკრულების ფარგლებში მიწოდებული პერსონალური მონაცემების (მათ შორის, პირადობის დამადასტურებელი მოწმობის ასლი, სახელი და გვარი, მისამართი, ელექტრონული ფოსტის მისამართი, ტელეფონის ნომერი ან/და სხვა ინფორმაცია) დამუშავებაზე.
    2. ექსპედიტორი კომპანია აცხადებს და იძლევა გარანტიას, რომ არ გამოიყენებს მონაცემებს კანონსაწინააღმდეგოდ. შემკვეთის მოთხოვნის შემთხვევაში, ექსპედიტორი კომპანია მიაწვდის მას სრულ და დეტალურ ინფორმაციას მისი პერსონალური მონაცემების დამუშავებასთან დაკავშირებით.
    3. ექსპედიტორი კომპანია აცხადებს და იძლევა გარანტიას, რომ შემკვეთის მიერ მიწოდებული პერსონალური მონაცემების დამუშავებას მოახდენს მხოლოდ შემდეგი მიზნ(ებ)ით:
       1. შემკვეთთან ურთიერთობისთვის;
       2. შემკვეთის მოთხოვნების დასაკმაყოფილებლად, თანამშრომლობის ახალი გზების შესამუშავებლად და ექსპედიტორი კომპანიის საქმიანობის განსავითარებლად;
       3. პირდაპირი მარკეტინგის განხორციელების მიზნით, მათ შორის აქციების, სპეციალური შეთავაზებების, ახალი პროდუქტების და მომსახურების, სარეკლამო მასალის მიწოდების და გაცნობის მიზნით, პროდუქტების და მომსახურების გაუმჯობესების მიზნით სხვადასხვა კვლევის ჩასატარებლად;
       4. ექსპედიტორი კომპანიის მიერ ხელშეკრულებით ნაკისრი უფლებების და ვალდებულებების განხორციელებისთვის;
       5. შემკვეთის საჩივრებზე რეაგირების მოსახდენად და მათი მოგვარების გზების მოსაძიებლად.
    4. ექსპედიტორი კომპანიის მიერ პერონალური მონაცემების შეგროვების წყაროს წარმოადგენს:
       1. შემკვეთის მიერ ექსპედიტორი კომპანიის ვებ-გვერდზე რეგისტრაცია;
       2. ექპედიტორი კომპანიის მომსახურების გამოყენება;
       3. სატელეფონო, ელექტრონული ფოსტით კომუნიკაციისას ანდა ფილილაში ვიზიტისას;
       4. შემკვეთის მიერ ექსპედიტორი კომპანიის მიერ გაწეული მომსახურების ანგაშსწორებისას.
    5. ექსპედიტორი კომპანია კისრულობს ვალდებულებას არ გადასცეს მესამე პირებს შემკვეთის პერსონალურ მონაცემებს, გარდა იმ შემთხვევებისა, როდესაც:
       1. შემკვეთი გასცემს თანხმობას;
       2. შემკვეთის პერსონალური მონაცემების გადაცემა ხდება ხელშეკრულებით გათვალისწინებული ვალდებულებების შესრულების მიზნით;
       3. საქართველოს კანონმდებლობით გათვალისწინებულ შემთხვევებში მათ შორის სასამართლო გადაწყვეტილების საფუძველზე.
       4. მონაცემები საჯაროდ ხელმისაწვდომია ან შემკვეთმა ისინი ხელმისაწვდომი გახადა.
    6. 14.5 პუნქტის მიზნებისთვის, შემკვეთი აცხადებს, რომ ინფორმირებულია მონაცემთა დაცვის სათანადო გარანტიების არარსებობისა და შესაძლო საფრთხეების შესახებ იმ სახელმწიფოებში, რომლებიც არ შედის „პერსონალურ მონაცემთა დაცვის სათანადო გარანტიების მქონე ქვეყნების ნუსხის დამტკიცების თაობაზე“ პერსონალურ მონაცემთა დაცვის სამსახურის უფროსის 2024 წლის 29 თებერვლის N23 ბრძანებით დამტკიცებულ ნუსხაში და თანახმაა, მომსახურების გაწევის მიზნით ექსპედიტორმა კომპანიამ  მისი პერსონალური მონაცემები გადასცეს ასეთ სახელმწიფოს საჭიროების შემთხვევაში.
    7. შემკვეთი უფლებამოსილია მოითხოვოს, ხოლო ექსპედიტორი კომპანია ვალდებულია შემკვეთს გააცნოს და მიაწოდოს უსასყიდლოდ ან გონივრული საფასურის გადახდის სანაცვლოდ მის შესახებ არსებული პერსონალური მონაცემების დამუშავების თაობაზე ინფორმაცია და ამ მონაცემების ასლები, გაასწოროს, განაახლოს ან/და შეავსოს მონაცემები თუ ისინი მცდარია, არასრულია და არაზუსტია, შემკვეთის მოთხოვნის წარდგენიდან არაუგვიანეს 10 სამუშაო დღისა, თუ საქართველოს კანონმდებლობით სხვა ვადა არ არის დადგენილი, შეწყვიტოს მონაცემთა დამუშავება ან/და წაიშალოს ან გაანადგუროს მონაცემები ან შემკვეთს აცნობოს მოთხოვნაზე უარის თქმის საფუძველი და განემარტოს უარის გასაჩივრების წესი, დაბლოკოს ან გადაიტანოს მონაცემები.
    8. შემკვეთს უფლება აქვს ნებისმიერ დროს, ყოველგვარი განმარტების ან დასაბუთების გარეშე, იმავე ფორმით, რომლითაც თანხმობა განაცხადა, ან ნებისმიერი სხვა მკაფიოდ გამოხატული ფორმით, გამოიხმოს მის მიერ გაცემული თანხმობა. ამ შემთხვევაში, შემკვეთის მოთხოვნის შესაბამისად, ექსპედიტორი კომპანიის მიერ მონაცემთა დამუშავება უნდა შეწყდეს ან/და დამუშავებული მონაცემები წაიშალოს ან განადგურდეს მოთხოვნიდან არაუგვიანეს 10 სამუშაო დღისა, თუ მონაცემთა დამუშავების სხვა საფუძველი არ არსებობს.
    9. შემკვეთს უფლება აქვს ნებისმიერ დროს ყოველგვარი საფასურის ან შეზღუდვის გარეშე, მოითხოვოს პირდაპირი მარკეტინგის მიზნით მონაცემთა დამუშავების შეწყვეტა იმავე ფორმით, რომლითაც პირდაპირი მარკეტინგი ხორციელდება ან ნებისმიერი სხვა მკაფიოდ გამოხატული ფორმით. ამ შემთხვევაში, შემკვეთის მოთხოვნის შესაბამისად, პირდაპირი მარკეტინგის მიზნით მონაცემთა დამუშავება უნდა შეწყდეს მოთხოვნის მიღებიდან გონივრულ ვადაში, მაგრამ არაუგვიანეს 7 (შვიდი) სამუშაო დღისა.

 

 

15. საამანათე გზავნილები საქართველოდან
    1. საქართველოდან გასაგზავნი საამანათე გზავნილი შეფუთული  უნდა იყოს იმაზე გათვლით, რომ არ მოხდეს მისი შიგთავსის დაზიანება ტრანსპორტირების დროს და პასუხობდეს საერთაშორისო სტანდარტებს. აღნიშნული წარმოადგენს შემკვეთის ვალდებულებას და პასუხისმგებლობას.
    2. თუ საამანათე გზავნილის შიგთავსი მსხვრევადი ნივთია მისი შეფუთვა უნდა შეიცავდეს სათანადო აღნიშვნას.
    3. საამანათე გზავნილის გაგზავნა მოხდება საქართველოდან მხოლოდ მას შემდეგ რაც სრულად იქნება დაფარული ტრანსპორტირების ღირებულება.
    4. საქართველოდან გაგზავნილი ამანათი ითვლება მისამართამდე მიტანილად თუკი საერთაშორისო ტრენიგ კოდის მიხედვით, მას აქვს შესაბამისი სტატუსი.
    5. საქართველოდან გაგზავნილი საამანათე გზავნილის დაკარგვის ან დაზიანების შემკვეთისთვის ზარალის ანაზღაურება ხდება მხოლოდ იმ შემთხვევაში თუ შემკვეთის მიერ გააქტიურებულია საამანათე გზავნილის დაზღვევის სერვისი.

 

16. ექსპედიტორი კომპანიის დამატებითი მომსახურებები
    1. საამანათე გზავნილების დაზღვევა
       1. ექსპედიტორი კომპანიის ვებ-გვერდზე შესაბამისი მომსახურების გააქტიურების გზით შემკვეთი უფლებამოსილია ისარგებლოს  დაზღვევის მომსახურებით.
       2. საამანათე გზავნილის დაზღვევის სერვისი მოიცავს დაკარგული ან დაზიანებული ამანათების ღირებულების ანაზღაურებას.
       3. ექსპედიტორი კომპანიის  მიერ ანაზღაურდება დეკლარირებულ ღირებულებასა და ინვოისის ღირებულებას შორის უმცირესი.
       4. დაზიანებული ამანათები ანაზღაურდება მხოლოდ იმ შემთხვევაში, თუკი საამანათე გზავნილის შიგთავსი მთლიანად ან ნაწილობრივ დაზიანებულია და აღინიშნება გარეგანი დაზიანებაც.
       5. საქართველოდან გაგზავნილი საამანათე გზავნილი დაკარგულად ითვლება, თუკი საკურიერო სერვისი, კურიერზე ამანათის გადაცემის დღიდან, აშშ-ში და ევროპაში გაგზავნილი ამანათებისათვის ერთი თვის მანძილზე არ განაახლებს ამანათის სტატუსს, შემკვეთის მიე მითითებულ მისამართზე მიტანის თაობაზე, ხოლო მსოფლიოს სხვა დანარჩენი ქვეყნების შემთხვევაში - 2 თვის მანძილზე. ამასთან, დაკარგულად არ ითვლება ამანათი, თუკი შემკვეთის მიერ მითითებულია არაზუსტი მისამართი, დაბრუნდა უკან ან კურიერის ტრეკინგით დაფიქსირებულია, რომ მივიდა მისამართზე.
       6. საამანათე გზავნილის დაზღვევის საფასური შეადგენს შემკვეთის დეკლარაციაში მითითებული გზავნილის ღირებულების 2.99%
    2. საამანათე გზავნილის გაყოფა
       1. შემკვეთი უფლებამოსილია ისარგებლოს ექსპედიტორი კომპანიის ვებ-გვერდზე საამანათე გზავნილის გაყოფის სერვისით შესაბამისი მომსახურების გააქტიურების გზით.
       2. გაყოფის სერვისი გულისხმობს საამანათე გზავნილის შემადგენელი ნივთების ცალ-ცალკე გზავნილებად გაფორმებას (დაყოფა ხდება შემკვეთის მითითების მიხედვით).
       3. საამანათე გზავნილის  გაყოფის მომსახურების საფასური შეადგენს 2,90 აშშ დოლარს (ექვივალენტი ლარში) თითოეულ საამანათე გზავნილის გაყოფაზე.
    3. საბაჟო კონტროლის სერვისი
       1. შემკვეთი უფლებამოსილია ისარგებლოს ექსპედიტორი კომპანიის ვებ-გვერდზე საამანათე გზავნილის საბაჟო კონტროლის სერვისით შესაბამისი მომსახურების გააქტიურების გზით.
       2. საბაჟო კონტროლის სერვისი მოიცავს შემკვეთის საამანათე გზავნილების გადანაწილებას სხვადასხვა რეისზე.

 

1. 4. დამატებითი შეფუთვა
      1. ექსპედიტორი კომპანიის ვებ-გვერდზე შესაბამისი მომსახურების გააქტიურების გზით შემკვეთი უფლებამოსილია ისარგებლოს საამანათე გზავნილის დამატებითი შეფუთვის სერვისით, რომელიც გულისხმობს ექსპედიტორი კომპანიის საერთაშორისო გაცვლით პუნქტში მიღებულ საამანათე გზავნილების დამატებით შეფუთვას, რათა შემცირებული იქნეს მისი დაზიანების რისკები. აღნიშნული მომსახურების საფასური შეადგენს თითოეულ საამანათე გზავნილზე 4.5 (ოთხი დოლარი და ორმოცდა ათი ცენტი) აშშ დოლარის ექვივალენტს ლარში, რომელიც თავის მხრივ დაანგარიშდება 3.3 პუნქტით გათვალისწინებული პრინციპით და  გადაიხდება ხელშეკრულების 3.5 პუნქტის შესაბამისად;
   5. გამოსყიდვის (შესყიდვის) სერვისი
      1. ექსპედიტორი კომპანიის ვებ-გვერდზე შესაბამისი მომსახურების გააქტიურების გზით შემკვეთი უფლებამოსილია ისარგებლოს შესყიდვის სერვისით, რომელიც გულისხმობს შეკვეთის დავალებას ექსპედიტრომა კომპანიამ მოახდინოს სასურველი ნივთის აშშ-ში მოქმედი ონლაინ მაღაზიებში შეძენა, მის მიერ შესაბამისი დოკუმენტაციის შევსების შემდგომ. აღნიშნული მომსახურების საფასური შეადგენს თითოეულ შეძენილ ნივთზე მისი ღირებულების 12%.

 

17. დასკვნითი დებულებები
    1. ყველა ინფორმაცია და პირობა რომელიც განთავსებულია ექსპედიტორი კომპანიის ვებ–გვერდზე  წარმოადგენს წინამდებარე ხელშეკრულების განუყოფელ ნაწილს. მომსახურების პირობები ითვლება ექსპედიტორ კომპანიასა და შემკვეთს შორის დადებულ შეთანხმებად. აღნიშნული პირობები, მათ შორის, წინამდებარე ხელშეკრულება/სტანდარტული პირობები ან მასში ცვლილებები შემკვეთისთვის ითვლება შეთანხმებულად ექსპედიტორი კომპანიის ვებ–გვერდზე გამოქვეყნების ან შემკვეთის მიერ ექსპედიტორი კომპანიის სერვისით სარგებლობის მომენტიდან.
    2. შემკვეთის მიერ ექსპედიტორი კომპანიის მისამართის ცვლილება დაუშვებელია და ის უნდა ჩაიწეროს ზუსტად ისე, როგორც მოცემულია შემკვეთის გვერდზე/პირად გვერდზე, ასევე რეგისტრაციისას მიღებულ ელექტრონულ წერილში.
    3. ექსპედიტორი კომპანია უფლებამოსილია  მოახდინოს შემკვეთთან ურთიერთობის ჩაწერა და დამახსოვრება ინტერნეტის, სატელეკომუნიკაციო თუ ვიდეო სამეთვალყურეო სისტემების ყველა სახეობის საშუალებით, მათ შორის ელ–ფოსტით გამოგზავნილი წერილების, ჩათით ან ტელეფონით საუბრები, ფეისბუკის თუ ბლოგის კომენტარები, რაც შესაძლოა ექსპედიტორმა კომპანიამ გამოიყენოს მისი უფლებების დაცვის მიზნით შემკვეთთან სასამართლო ან სხვა დავის წარმოქმნის შემთხვევაში. აღნიშნული ინფორმაციის შენახვასა და დამუშავებაზე შემკვეთი აცხადებს თანხმობას.
    4. შემკვეთი აცხადებს  და იძლევა გარანტიას, რომ მის მიერ ექსპედიტორი კომპანიის მომსახურების მისაღებად წარმოდგენილი დოკუმენტები (პირადობოს დამადასტურებელი დოკუმენტაცია, საბანკო ქვითარი, გადახდის დამადასტურებელი დოკუმენტი, პროდუქციის შესყიდვის დამადასტურებელი დოკუმენტი და სხვა ნებისმიერი დოკუმენტი, რომელიც საამანათე გზავნილთან არის დაკავშირებული) არის უტყუარი და ამ დოკუმენტების ნამდვილობაზე პასუხისმგებლობა მთლიანად ეკისრება შემკვეთს.
    5. მხარეებს შორის ნებისმიერი ოფიციალური ურთიერთობა უნდა ატარებდეს წერილობით ფორმას. მხარისათვის გათვალისწინებული წერილობითი შეტყობინება მას შეიძლება მიეწოდოს ელექტრონული ფოსტის, მოკლე ტექსტური შეტყობინების,  პირად გვერდზე ან გაეგზავნოს კურიერის (მათ შორის, საერთაშორისო კურიერის) ან საფოსტო გზავნილის (მათ შორის, დაზღვეული წერილის) საშუალებით. ასეთი გაგზავნილი ელექტრონული შეტყობინება ითვლება ოფიციალურად ჩაბარებულ შეტყობინებად.
    6. შემკვეთის პირადი გვერდი რომელზეც არცერთი ამანათი არ ფიქსირდება ჩაითვლება არა-აქტიურად და ექსპედიტორი კომპანია უფლებამოსილია რეგისტრაციიდან 3 (სამი) თვის შემდეგ ცალმხრივად გააუქმოს რეგისტრაცია.
    7. ექსპედიტორი კომპანია უფლებას იტოვებს შემკვეთის ელ-ფოსტაზე და პირად გვერდზე ინფორმირების შემდეგ, მასთან შეთანხმების გარეშე, შეცვალოს მომსახურების მიწოდების/სტანდარტული პირობები/ხელშეკრულების პირობები ან შეუწყვიტოს შემკვეთს მომსახურების მიწოდება. ამასთან ხელშეკრულებაში ექსპედიტორი კომპანიის მიერ ცალმხრივად შეტანილი ყველა და ნებისმიერი ცვლილება და/ან დამატება წარმოადგენს ხელშეკრულების განუყოფელ ნაწილს.
    8. თუ ხელშეკრულების რომელიმე დებულება ბათილია ან მომავალში გახდება ბათილი, აღნიშნული არ გამოიწვევს მთლიანი ხელშეკრულების ბათილობას. ხელშეკრულების დანარჩენი მუხლები განაგრძობენ მოქმედებას ბათილი დებულების გარეშე.
    9. ხელშეკრულების ირგვლივ წამოჭრილი ნებისმიერი დავა (მათ შორის, ხელშეკრულების არსებობასთან, ინტერპრეტაციასთან, შესრულებასთან და აღსრულებასთან დაკავშირებით) წყდება მოლაპარაკებით. დავის მოუგვარებლობის შემთხვევაში, მხარეები მიმართავენ საქართველოს სასამართლოს საქართველოს მოქმედი კანონმდებლობის შესაბამისად.
    10. მხარეები თანხმდებიან, რომ ხელშეკრულება ძალაში შედის შემკვეთის ვებ-გვერდზე რეგისტრაციისთანავე და/ან ექსპედიტორი კომპანიის მომსახურების სარგებლობისთანავე.